Velkommen til bloggen min og vil du legge igjen ein kommentar eller helsing, set eg stor pris på det.

søndag 31. mars 2013

fredag 22. mars 2013

Fargerike vårfulger

Damene i Sjeive Sting har atter hatt ei god stund ilag.
Sist lærte Eli (utan blogg) oss å lage vi desse fuglane.
 Dei var så sjarmerande at eg måtte lage fleire 
så dei hadde selskap i kvarandre.
Dei kneiser stolt :)
 Har valgt å gje dei rikt med fargar
 

 Kvar dei skal få sin plass blandt påskepynten, er ikkje sikkert,
  men foreløpig så fekk dei kose seg ilag i påskekorga. 
Her er det eggeskal som barn og barnebarn opp gjennom åra har laga til meg.
Nokre er framleis heile, andre er det berre litt igjen av.
Eg samlar på dei likevel:)
 No står påskeferien for tur
og eg vil med dette ønske alle mine besøkande 

God påske!

fredag 15. mars 2013

Korger til ting og tang

Ønsket var to korger til å holde orden på ting og tang på badet.
Fargevalget var heilt opp til meg.
Dei lyse fargane lokka og det er vel naturleg no når vi går mot lysare tider.
Denne modellen har eg ikkje sydd før og det er alltid kjekt å prøve noko nytt.
Når ein først har no skjært ei remse av kvart stoff, så syr eg gjerne til så mange det er stoff til.
Det vart tre korger og endå har eg litt rester. Med litt supplering skal det nok bli fleire.
No er dei to, som var bestilt, sendt i posten. Venter spent på tilbakemelding.
 Den tredje skal eg gje bort i helga.
.
Det lysner litt kvar dag og enkelte vårtegn var begynt å vise seg her tidligare,
men no er det snø og kuldegrader igjen.
Berre vent, snart er det over....trur eg....

Takk for besøket og velkommen tilbake!

GOD HELG






søndag 10. mars 2013

Prinsessa sin hemlighet

Så var løparen til prinsessa (7 år) ferdig.
Ein glad og fargerik påskeløper.
Det starta med at ho fekk siste nummertet av Quiltemagasinet 
for å sjå om der var noko som falt i smak.
Valget vart påskeløper med egg.
 Ja ho ville ha mange egg
og i forskjellige farger
Tegna av og strauk det på stoffene sjølv.
Ja ho styrer også strykejernet no, men under oppsikt av mormor.
Klippe ut og begynte på den spesifikke planlegginga
Så fann ho ut at ho ville har ein tulipan også.
Stoff til midtstykke og rammer fann vi på lageret. 
Likevel måtte vi ein tur på butikken og då fann ho blå krokelisser.
Fargerikt uten tvil.
Quiltinga og litt småpynt tok mormor seg av.

I dag fekk mammaen den i gave og den er komen på salongbordet.
Mormor er veldig kry av barnebarnet
og så lenge intressa er der, skal ho få boltre seg på syrommet og skal få den hjelp ho vil ha. 
I ettermiddag bladde ho på ny i eit Quiltemagasin og fann ein jordbærløper.
No er ho i full gang og har orden i sysakene med egne bokser.

Ønsker alle ei riktig god veke!

lørdag 9. mars 2013

Rosetter

 Det er ikkje så mykje eg heklar, sjølv om eg har eit stort teppe liggande 
og det er nok blitt til ein UFO. 
På lageret låg det litt bomullsgarn og på bloggen til Lilla Dør såg eg nokre flotte rosetter som eg også ville prøve meg på. Kari hadde funne oppskrifte her
Dei kan brukarst både til det eine og det andre
som her under blomsterpotter eller berre som dekor
under tekoppen
 Eg falt mest for dei som vart hekla i Bomull Sport Mercerisert frå Gjestal

Når eg først begynner på slikt småarbeid, så blir det snart fleire.
Eg er nok ikkje så andektig som denne engelen, men eg likar ho likevel.
Ho har ein ro og fred over seg som eg prøver å finne så ofte eg kan.

Det har blitt ein del rosetter, veldig lett arbeid å ta til
 Her ser det nokre og andre har fått nye eiere før eg tok bilde.
  Takk for besøket og riktig god helg!


mandag 4. mars 2013

Tovede påskeegg

På lørdag hadde prinsessa og eg sydag med tema Påske.
Kva vi sydde er ein stor hemlighet. Den kjem vi tilbake til seinare. 
Ho er berre sju år, men ein kløpper med symaskina.

Vi avslutta dagen med å lage desse påskeeggene.
 Stort enklere kan det ikkje bli å lage tovede påskeegg.
Oppskrifta fann eg her
Ute er det framleis kaldt og surt, men her og der kan eg sjå nokre små vårtegn. 
På blomsterbutikken min har dei flotte Primula i mange farger.
Eg måtte jo berre ha med meg nokre heim. Fargane gle meg med all si prakt.
Snart blir det like fine blomster ute i bedene.
Enn så lenge er det berre å gle seg over kjøpeblomster.
Ha gode dager!